भक्तपुर, पुस १९
भक्तपुरको मध्यपुर थिमि–२ सानो थिमिमा गत मंगलवार राती स्कुटर अनियन्त्रित भई दुर्घटना हुँदा घाईते भएका मध्ये एक जनाको उपचारको क्रममा बिहिवार साँझ मृत्यु भएको छ ।
सानो थिमि चोकबाट मगरगाउँतर्फ जाँदै गरेको बा.प्र.०२–०२८ प ६६१० नं को स्कुटी आफै अनियन्त्रित भई दुर्घटना हुँदा स्कुटर चालक सानो थिमि धुन्चोपाखा बस्ने ३१ वर्षिय निश्चल प्रकाश राजभण्डारी र उनको श्रीमती २८ वर्षिय पुजा श्रेष्ठ घाईते भएका थिए ।
सो दुर्घटनामा बेहोश भएका राजभण्डारीको बाँया खुट्टामा भित्री चोट, टाउको र अनुहारमा धसारीएको चोट र ढाँडमा भित्री चोट लागेको थियो भने बोल्न सक्ने अवस्थाका श्रेष्ठको बाँया खुट्टा भाँचिएको थियो ।
घाईते भएका दुवै जनालाई उपचारका लागि भक्तपुर इन्टरनेसनल अस्पताल कौशलटार लगिएको थियो । राजभण्डारीलाई थप उपचारका लागि बिहिवार दिउँसो नर्भिक अस्पताल काठमाण्डौं रिफर गरिएको थियो । त्यही उपचारका क्रममा उनको मृत्यु भएको जिल्ला प्रहरी परिसर भक्तपुरका सूचना अधिकारी प्रहरी नायव उपरिक्षक ढुण्डीराज नेउपानेले बताउनुभयो ।
घाईते श्रेष्ठको भक्तपुर इन्टरनेसनल अस्पतालमा उपचार भइरहेको प्रनाउ नेउपानेले जानकारी दिनुभयो ।
