भक्तपुर, पुस ६
नेपाल प्रिमियर लिग (एनपीएल)मा उत्कृष्ट प्रदर्शन गरेका सुदूरपश्चिम रोयल्सका कप्तान दीपेन्द्रसिंह ऐरीले कार जितेका छन् । यस्तै एनपिएलमा उत्कृष्ट बलिङ गरेका जनकपुर बोल्ट्सका स्पिनर ललित राजबंशीलेले अल्ट्राभाइलेट इलेक्ट्रिक बाइक पाएका छन ।
सुदूरपश्चिम रोयल्सका कप्तान ऐरीले नेपाली बजारमा ६२ लाख रुपैयाँ मूल्य पर्ने ओमोडा इ–फाइभ डीएलक्स कार प्राप्त गरेका हुन् । टोलीलाई फाइनलसम्म पु¥याउन महत्त्वपूर्ण भूमिका खेलेका दीपेन्द्रले प्रतियोगिताभर कुल २२७ रन बनाएका थिए । उनले खेल अवधिभर बलिङतर्फ ९ विकेटसमेत लिएका थिए ।
ललितले उत्कृष्ट बलर बापत नगद पाँच लाख सहित अल्ट्राभाइलेट इलेक्ट्रिक बाइक पुरस्कार पनि प्राप्त गरे । उनले १० खेलमा १७ विकेट लिए । सुदूरपश्चिमका स्कट कुगेलेइन पनि समान १७ विकेट लिएका थिए ।
सुदूरपश्चिमका सैफ जैब प्लेयर अफ दि टुर्नामेन्ट भए । प्रतियोगिताभर २७५ रन र १२ विकेट लिएका उनले पाँच लाख रुपैयाँ पाए ।
एनपीएलमा कुल ३४ चौका प्रहार गरेका लाहिरु मिलान्थताले म्याक्स फोर अफ टुर्नामेन्टको अवार्ड प्राप्त गरे । उनले दुई लाख रुपैयाँ पुरस्कार पाए । २०४ भन्दा माथिको स्ट्राइकरेट भएका जनकपुर बोल्ट्सका जिम्मी निशम बेस्ट ब्याटर बने । उनले पनि दुई लाख रुपैयाँ नगद पाए ।
१६ वर्षीय कर्णाली याक्सका खेलाडी विपिन शर्माले उदीयमान खेलाडी घोषित भए । उनले कर्णालीलाई प्लेअफमा पु¥याउन १३ विकेट लिएका थिए । उनले ५० हजार रुपैयाँ नगद र प्रेजिडेन्सियल कलेजमा दश लाखको छात्रवृत्ति प्राप्त गरे । एनपीएलमा लुम्बिनी लायन्सले फेयर प्ले अवार्ड जितेको छ ।
