भक्तपुर, पुस ३
भक्तपुरमा बुबाले चक्कु प्रहार गरेर छोराको हत्या गरेको छ । भक्तपुर नगरपालिका–२ शहिद स्मृति खेल मैदान नजिक एक घरमा डेरा गरी बस्ने ६३ वर्षिय दिपबहादुर शाहीले ३१ वर्षिय छोरा नरेन्द्र बहादुर शाहीको हत्या गरेको हो ।
मादक पदार्थ सेवन गरि घर पुगेका बुवाले आफ्नै छोरामाथि तरकारी काट्न प्रयोग हुने चक्कु प्रहार गरेको प्रहरीले जनाएको छ । चक्कु प्रहारबाट दाहिने पट्टिको छातिमा लागेको नरेन्द्र बहादुरलाई उपचारका लागि भक्तपुर अस्पताल लगिएको थियो । त्यही उनको उपचारको क्रममा मृत्यु भएको प्रहरीले जनाएको छ ।
प्रहरीले चक्कु प्रहार गर्ने दिपबहादुरलाई जिल्ला प्रहरी परिसर भक्तपुरको नियन्त्रणमा राखी थप अनुसन्धान गरिरहेको छ ।
