भक्तपुर, कार्तिक १६
नेपाल सम्वत् ११४५ न्हूदँ समारोह समितिको आयोजना तथा नेपालभाषा मंकाः खलः, यलको संयोजनमा सम्पन्न दोश्रो मंकाः खलः खुल्ला दौड प्रतियोगितामा साविक विजेता नेपाल आर्मीका मुकेश पाल प्रथम भएका छन । उनी निर्धारित दुरी ३४ मिनेट ५५ सेकेण्डमा पुरा गर्दै प्रथम भएको हो । उनले नगद १० हजार पुरस्कार प्राप्त गरे ।
प्रतियोगितामा आर्मी कै राजन रोकायले द्वितीय स्थान हासिल गरे । उनले ३४ मिनेट ५८ सेकेण्डमा निर्धारित दौड पार गरेका थिए । नेपाल प्रहरीका नागेश्वर अहिरले ३६ मिनेट ११ सेकेण्ड समय लिदै तेस्रो स्थान प्राप्त गरे ।
नेपाल प्रहरीका प्रिन्स कुमार मुखिया चौथो, तिलक बुढाथोकी पाँचौ, नवराज कार्कीले छैटौं स्थान प्राप्त गरे । ललितपुरका राकेश महर्जनले ४५ मिनेटमा उक्त दौड पूरा गरि ललितपुर उत्कृष्ट धावक बन्न सफल भए । राकेशले पुरस्कार स्वरुप नगद १० हजार प्राप्त गरे ।
साफ माराथुन खेलका सर्वकालिन रेकर्ड होल्डर वैकुण्ठ मानान्धर र ललितपुर महानगरपालिकाका ७ नं. अध्यक्ष बाबू रत्न महर्जनले संयुक्त रुपमा शुभारम्भ गरेको दौडमा ६० जना खेलाडीहरुको सहभागिता रहेको थियो ।
यसैगरी तेस्रो राष्ट्रब्यापी ¥यापिड रेटिङ्ग चेस प्रतियोगितामा रौतहटका एफएम रुपेश जैसवालले प्रथम हुँदै नगद १० हजार पुरस्कार जिते । ललितपुरका राजन पुरी द्वितीय हुँदै नगद ७ हजार र दोलखाका आशिष फूँयाल तृतीय हुँदै नगद ५ हजार पुरस्कार प्राप्त गरे ।
