भक्तपुर, भदौ २१
सवारी ज्यान मुद्दामा पाटन पुनरावेदन अदालतबाट दोषी ठहर भई कैद जरिवाना तोकिएपछि फरार रहेका प्रीतवादीलाई काठमाण्डौं उपत्यका अपराध अनुसन्धान कार्यालयको प्रहरी टोलीले बुधवार पक्राउ गरेको छ ।
पक्राउ पर्नेमा साविक दुवाकोट गाविस–७, परिवर्तित सूर्यविनायक नगरपालिका–४ बस्ने ५४ वर्षिय लक्ष्मण श्रेष्ठ रहेका छन । उनलाई पाटन पुनरावेदन अदालतले २०७२ साउन २४ गते सवारी ज्यान मुद्दामा ३ कैद र २ हजार रुपैंया जरिवाना हुने ठहर गरी फैसला गरेको थियो ।
अदालतको पैmसलापछि श्रेष्ठ फरार रहेकोले उच्च अदालतको फैसला कार्यान्वयन सम्बन्धी पत्रको आधारमा खोजी गर्ने क्रममा उनलाई सूर्यविनायक नगरपालिका–२, बालकोटबाट पक्राउ गरिएको काठमाण्डौं उपत्यका अपराध अनुसन्धान कार्यालयको सूचना अधिकारी प्रहरी उपरीक्षक (एसपी) काजी कुमार आचार्यले जानकारी दिनुभयो ।
पक्राउ परेका श्रेष्ठलाई फैसला कार्यान्वयनका लागि काठमाण्डौं जिल्ला अदालतमा पेश गरिएको एसपी आचार्यले बताउनुभयो ।
