भक्तपुर, असार ८
भक्तपुर नगरपालिकाले मौलिक शैलीमा घर बनाउने ९ जनालाई करिव १९ लाख रुपैंया अनुदान दिएको छ । भक्तपुर नगरपालिकाको १६ औं नगरसभा अधिवेशनको उद्घाटन समारोहमा शुक्रवार नगरपालिकाले ती घरधनीलाई अनुदान वितरण गरेको हो ।
अनुदान प्राप्त गर्नेहरुमा वडा नं. १ का कविन्द्र कायष्ठ एक लाख ५० हजार ३१६ रुपैंया, वडा नं. ३ का मुकुन्दलाल प्रधानांग ३ लाख, वडा नंं ३ का सुनिल प्रजापति एक लाख ४१ हजार २१४, वडा नं. ४ का पूर्णभक्त ग्वाछालाई एक लाख ६५ हजार ४५९, वडा नं. ४ का लक्ष्मीश्वरी कबु दुई लाख ४१ हजार २८७ र वडा नं. ६ का राजेन्द्र अवाल एक लाख ७० हजार ५६२ रुपैंया छन ।
यस्तै अनुदान प्राप्त गर्नेहरुमा वडा नं. ६ का नारायणकृष्ण त्यात एक लाख ७० हजार २५६ रुपैंया, वडा नं. ६ का कृष्णबहादुर दुवाल दुई लाख ९३ हजार ३६१, वडा नं. १० केशव शिल्पकार दुई लाख ८२ हजार २६७ रुपैंया छन ।
नगरपालिकाले उक्त रकम बराबरको काठ, इँटा र झिंगटी अनुदान स्वरुप प्रदान गरिएको नगरप्रमुख सुनिल प्रजापतिले बताउनुभयो ।
