भक्तपुर, पुस २८
भक्तपुर उद्योग वाणिज्य संघको ५७ वर्षिय ईतिहासमा पहिलो पटक महिला अध्यक्ष निर्वाचित हुनुभएको छ । संघको शनिवार सम्पन्न ३६ औं साधारण सभा र अधिवेशन २०८० ले रोशनी धौवञ्जालाई सर्वसम्मत अध्यक्ष चयन गरेको हो ।
अधिवेशनले यसअघि वरिष्ठ अध्यक्ष रहनुभएका धौवञ्जाको नेतृत्वमा २४ सदस्यीय नयाँ कार्यसमिति समेत निर्विरोध चयन गरेको निर्वाचन समितिका संयोजक अधिवक्ता गजेन्द्र शंकर तिमिलाले जानकारी दिनुभयो ।
अधिवेशनले कृष्णमुरारी न्यौपाने वरिष्ठ उपाध्यक्ष, गणेशहरि प्रजापति उपाध्यक्ष, राजेन्द्र प्रसाद प्रजापति वस्तुगत उपाध्यक्ष, दिनेश गोसाईं एशोसियट उपाध्यक्ष, नविन प्रजापति महासचिव, सचिन्द्र प्रधानाङ्ग सचिव, विश्वराम दुवाल कोषाध्यक्षमा निर्विरोध निर्वाचित गरेको छ ।
यसैगरी सदस्यहरुमा अमरबहादुर मानन्धर, ऋषिकेश श्रेष्ठ, कृतन अवाल, गोकर्ण न्यौपाने, गौतम सुखजु, पृथ्वीभक्त प्रजापति, रञ्जित मारिखू, राजेश त्वानावासु, रुकेश रञ्जित, सुरेन्द्र प्रजापति, श्यामप्रसाद मानन्धर निर्विरोध निर्वाचित भएका छन । यस्तै महिला सदस्यमा मञ्जु सुवेदी र सरस्वती कार्की, वस्तुगत सदस्यमा गणेशभक्त हुँमागाईं र एशोसियट सदस्यमा जितेन्द्र खायमली र राजेश त्वानावासु निर्विरोध निर्वाचित भएको तिमिलाले जानकारी दिनुभयो ।
