भक्तपुर, चैत्र १०
कोटेश्वर बहुमुखी क्याम्पसको स्वतन्त्र विद्यार्थी युनियन (स्ववियु)अध्यक्षमा नेपाली कांग्रेसको भातृ संगठन नेपाल विद्यार्थी संघ (नेविसंघ)का संजय बुढाथोकी सर्वसम्मत रुपमा चयन भएका छन् । क्याम्पसमा शुक्रवार बसेको विद्यार्थी संगठनहरुको सर्वपक्षीय बैठकले नेविसंघका बुढाथोकीलाई सर्वसम्मत रुपमा अध्यक्ष चयन गरेको हो ।
यस्तै उपाध्यक्षमा अखिल क्रान्तिकारीका सागर पराजुली चयन भएका छन् भने सचिवमा अनेरास्ववियुका रामकृष्ण थापालाई सर्वसम्मत चयन गरेको छ । सहसचिवमा अनेरास्ववियुकी शर्मिला भण्डारी र कोषाध्यक्षमा अनेरास्ववियुकै शैलेन्द्र श्रेष्ठ सर्वसम्मतिले चयन भएका छन ।
यसैगरी सदस्यहरुमा अनेरास्ववियुका रामजेश कुमार गुप्ता, प्रेमराज रेग्मी, सुशील दाहाल र नवराज देवकोटा, नेविसंघका आशिश कार्की, आरती ढकाल, प्रदीप कार्की र सन्तोष घर्ती मगर, अखिल क्रान्तिकारी विप्लव समूहका मिठु टमाटा, अखिल क्रान्तिकारीकी अप्सरा बस्नेत, रविना थापा मगर र सरला बस्नेत तथा अनेरास्ववियूका खेमराज ढुंगाना, सरोज श्रेष्ठ, विनीता फुयाँल र सञ्जु भट्ट सदस्यमा सर्वसम्मत चयन भएका छन् ।
