भक्तपुर, मंसिर ५
भक्तपुर क्षेत्र नं. २ को प्रदेश सभा क मध्यपुर थिमि नगरपालिका क्षेत्रमा नेपाल मजदुर किसान पार्टीका रमेश बैद्यले अग्रता बनाउनुभएको छ । उहाँले एक हजार ७४७ मतका साथ अग्रता बनाउनुभएको हो ।
उहाँलाई लोकतान्त्रिक वाम गठबन्धनका उम्मेदवार नेकपा एकिकृत समाजवादीका पोलिटव्यूरो सदस्य डा. राजेन्द्रमान श्रेष्ठले एक हजार ५ सय मतका साथ पछ्याईरहनु भएको छ । नेकपा एमालेका चन्दनकृष्ण श्रेष्ठ एक हजार ३७० मतका साथ तेस्रो स्थानमा हुनुहुन्छ । त्यसैगरी राप्रपाका पञ्चकृष्ण श्रेष्ठले ५२९, राप्रपा नेपालका श्रीकृष्ण नेपालले ४५ मत प्राप्त गर्नुभएको छ ।
यस क्षेत्रमा कुल खसेको मत मध्ये ५ हजार ४६४ मतगणना भइसकेको निर्वाचन अधिकृत लोकनाथ पराजुलीले बताउनुभयो । यहाँ १२९ मत बदर भएको छ ।
यस क्षेत्रमा आदर्श जनप्रेमी मावि कौशलटार च, दिगुभैरव स्थान दिगुटोल क र ग, लाक्षी नायकु गणेश नगदेश थिम िक, बोडे मावि लाय्कु ख, हिमालय क्लव बोडे क र ख, युनिक नेपाल एकेडेमी लोकन्थली घ, मध्यपुर थिमि नगरपालिका कार्यालय क केन्द्रको मतगणना सम्पन्न भएको छ ।
