डेनमार्कले नेपाललाई १४ लाख डोज खोप दिने

भक्तपुर, जेठ २३
डेनमार्कले नेपाललाई १४ लाख डोज कोरोना विरुद्धको खोप दिने भएको छ । डेनमार्कले एस्ट्राजेनिकाको खोप १४ लाख दिने जानकारी पत्रमार्फत स्वास्थ्य सेवा विभागलाई जानकारी दिएको विभागको आपूर्ति व्यवस्थापन महाशाखाका प्रमुख भीमसिंह तिंकरीले बताउनुभयो ।
उहाँले खोप ल्याउन सहजीकरण गरिदिन विभागका महानिर्देशकले युनिसेफलाई पत्राचार समेत गरिसकेको जानकारी दिनुभयो । डेनमार्कले दिने खोप कोभ्याक्स अन्तर्गतको भने नभएको उहाँले जानकारी दिनुभयो ।