भक्तपुर चेम्बर र लायन्सको साताव्यापी रक्तदानमा ३ सयले गरे रक्तदान

भक्तपुर, असार १२
भक्तपुर चेम्बर अफ कमर्स र लायन्स सेवा समिति भक्तपुरले संयुक्तरुपमा आयोजना गरेको साताव्यापी रक्तदान अभियानमा ३ सय जनाले रक्तदान गरेको छ । कोभिड १९ बाट संक्रमितलाई बचाउन र संक्रमण नियन्त्रणका लागि सेवाही परमो धर्म अभियान अन्तगर्त चेम्बर र लायन्सले एक सातामा भक्तपुरका विभिन्न स्थानमा रक्तदान कार्यक्रम गरेको थियो ।
चेम्बरका अध्यक्ष न्हुँछेरत्न मानन्धरका अनुसार भक्तपुरको भत्केपाटीमा आयोजना गरेको रक्तदानमा ३९ जनाले रक्तदान गरेका थिए भने मध्यपुर थिमिको बालकुमारीमा ४८, सूर्यविनायकमा ३१, मध्यपुर थिमिको राधेराधेमा ३१, सल्लाघारीमा ३१ ले रक्तदान गरेका थिए । यसैगरी बोडे नर्थप्वाइन्ट मलमा आयोजना गरेको रक्तदान कार्यक्रममा ५८, भक्तपुरको च्याम्हसिंहमा ५१ जनाले रक्तदान गरेका थिए ।


कोरोना भाइरसको दोस्रो लहरस“गै मुलुकभित्र देखिएको रगतको अभावलाई कम गर्न र रगतको अभावले कसैले अकालमा ज्यान गुमाउनु नपरोस् भन्ने उद्देश्यले साताव्यापी रक्तदान अभियान थालेको अध्यक्ष मानन्धरले बताउनुभयो ।
रक्तदान कार्यक्रमलाई सेवाही परमो धर्म अभियानका सहकर्मी संस्थाहरु प्याब्सन, क्याटरिगं तथा पार्टी प्यालेस संघ, विद्युतीय सामग्री व्यवसायी संघ, भक्तपुर हार्ट एण्ड डाईविटिज् सेन्टर, त्रिनेत्र वचत तथा ऋण सहकारी संस्था, भक्तपुर जिल्लामा कार्यरत चिकित्सक एवं स्वास्थकर्मी, निरोग संघलगायतका सामाजिक संघसंस्थाहरुले सहयोग र समन्वय गरेको प्याव्सन भक्तपुरका वरिष्ठ उपाध्यक्ष सुरेन्द्र श्रेष्ठले जानकारी दिनुभयो ।
रक्तदान कार्यक्रमलाई आवश्यक प्राविधिक सहयोग नेपाल रेडक्रस सोसाईटी भक्तपुरले गरेको थियो ।
यसैगरी मध्यपुर थिमि–४ शंखधरमार्ग (बायरिला“) टोलसुधार समितिले आयोजना गरेको कार्यक्रममा ३९ जनाले रक्तदान गरेको छ । मध्यपुर थिमि नगरपालिका वडा नं. ४ र नेपाल रेडक्रस सोसाईटी मध्यपुर थिमि उपशाखाको सहकार्यमा आयोजित उक्त कार्यक्रममा १३ महिला र २६ पुरुष सहित ३९ जनाले रक्तदान गरेको बायरिला“ टोलसुधार समितिका अध्यक्ष राजेश श्रेष्ठले जानकारी दिनुभयो ।
सो अवसरमा रक्तदाता र जेष्ठ नागरिकहरुलाई एक÷एक बट्टा सर्जिकल मास्क र ५÷५ वटा साबुन वितरण गरिएको रक्तदान कार्यक्रम संयोजक ज्ञानी माया श्रेष्ठले जानकारी दिनुभयो ।
त्यसैगरी मध्यपुर थिमि–६ स्थित भुला“खेल वचत ऋण सहकारी संस्था लिमिटेड र नेपाल रेडक्रस सोसाईटी मध्यपुर थिमि उपशाखाले संयुक्तरुपमा आयोजना गरेहाके रक्तदान कार्यक्रममा ४१ जनाले रक्तदान गरेको छ ।
संस्थाको सामाजिक दायित्व अन्तर्गत कोरोना महामारीको बेला देखिएको रगतको अभावलाई परिपुर्ती गर्न रक्तदान आयोजना गरेको संस्थाका अध्यक्ष ओमप्रकाश श्रेष्ठले बताउनुभयो ।