भक्तपुर, जेठ २४
भक्तपुरमा आइतवार १५८ महिलासहित ३३९ जना कोरोना संक्रमण मुक्त भएका छन । यो सँगै भक्तपुरमा कोरोना संक्रमण मुक्त हुनेको संख्या १९ हजार ८४ पुगेको छ । यहाँ कुल संक्रमितको ९३ प्रतिशत संक्रमित कोरोना मुक्त भएको जिल्ला स्वास्थ्य कार्यालयले जनाएको छ ।
भक्तपुरमा कुल २० हजार ६१३ संक्रमित मध्ये १ हजार २५९ सक्रिय संक्रमित छन । ती मध्ये ६३८ पुरुष र ६२१ महिला छन । सक्रिय संक्रमित मध्ये ३६ महिलासहित ८५ जना अस्पताल र संस्थागत आइसोलेसनमा उपचाररत रहेको स्वास्थ्य कार्यालय प्रमुख कृष्णबहादुर मिजारले जानकारी दिनुभयो । त्यस्तै ५८९ पुरुष र ५८५ महिलागरी एक हजार १७४ संक्रमित होम आइसोलेसनमा छन ।
भक्तपुरमा कारोना संक्रमणबाट २७० जनाको मृत्यु भएको मिजारले बताउनुभयो । ती मध्ये १७४ पुरुष र ९६ महिला छन । मृत्यु हुनेमा सबैभन्दा धेरै मध्यपुर थिमि नगरपालिकामा ९२ छन । त्यस्तै सूर्यविनायक नगरपालिका र भक्तपुर नगरपालिकामा समान ७२÷७२ जनाको कोरोना संक्रमितको मृत्यु भएको मिजारले बताउनुभयो । चाँगुनारायण नगरपालिकामा भने ३६ जनाको मृत्यु भएको छ ।
