भक्तपुर, जेठ २१
थारु भाषाको लघुचलचित्र ‘निपुत्र’ सार्वजनिक भएको छ । राजु राजदेब चौधरीले निर्दशन गरेको चलचित्रमा थारु समाजको कथा उठाइएको छ जहाँ एक निःसन्तान महिलाले भोगिरहेको सामाजिक र पारिवारिक कथा चित्रण गरिएको छ ।
सप्तरीमा खिचिएको चलचित्र निपुत्रमा ऋषिका चौधरी, शोभानन्द चौधरी, एमडि आलम, आकाश बिक, आरके पाण्डे, सोभाकान्त चौधरीलगायातका कलाकारहरुले अभिनय गरेका छन् ।
लोकेन्द्र राज चौधरीले निर्माण गरेको चलचित्रमा राजु राजदेब चौधरीको कथा, कोपी कान्छुको श्रृंगार, अनिल शाहको छायांकन, निरज कुमार चौधरीको सम्पादन देख्न सकिन्छ । सेबिल ईन्टरटेनमेन्टको ब्यानरमा निर्माण गएको चलचित्रले निःसन्तान महिलालाइ हेर्ने सोच परिवर्तन गर्नुपर्नेमा जोड दिएको छ । चलचित्रका अन्य २ भाग क्रमशः रिलिज हुने निर्माण पक्षले बताएको छ ।
